مجموعة من الشباب الكويتيين قررنا نسوي لعبة ونيسة خفيفة تنلعب أونلاين مستوحاة من لعبة أصلية موجودة مع بعض التعديلات الكويتية عليها، و الهدف إن نقضي أوقات فراغنا في الدواوين و اليمعات و المناسبات بالوناسة و الضحك و الفرفشة

كلكجة كلمة مستحدثة مشتقة من كلمة كلك، و صاحب الصفة يقال عنه كلكجي و كلكجية، و معناها المحتال أو المخادع أو النصاب، أما كلكجة فهي لعبة اونلاين تتطلب تكون فيها بوكلاك عشان تفوز!

العمر: اللعبة مناسبة لجميع الأعمار

العدد: 3 إلى 12 لاعب

طريقة اللعب: اللعبة تبدي بتوزيع 5 بطاقات لكل لاعب، صاحب الدور يكتب كلمة أو جملة تمثل البطاقة اللي بيستخدمها في دوره، اللاعبين الباجيين يختارون أفضل بطاقة عندهم تمثل الكلمة أو الجملة اللي كتبها صاحب الدور، بعدها يتم كشف البطاقات بطريقة عشوائية و كل واحد يصوّت للبطاقة اللي يتوقع إنها تمثل بطاقة صاحب الدور (طبعا صاحب الدور ما يشترك)

النقاط:

·       في حال محد قدر يتوقع البطاقة الصحيحة، فمحد ياخذ ولا نقطة! و في حال العكس جميع اللاعبين توقعوا البطاقة الصحيحة، فصاحب الدور ما ياخذ ولا نقطة، و كل اللاعبين ياخذون 3 نقاط (يعني يا صاحب الدور لا تصير كلمتك أو جملتك لا وايد سهلة ولا وايد صعبة!)

·       في حال فقط بعض اللاعبين توقعوا البطاقة الصحيحة، فصاحب الدور ياخذ 3 نقاط و اللي توقعوا صح أيضا ياخذون 3 نقاط، و كل شخص توقع بطاقة ثانية، فصاحب البطاقة الثانية ياخذ نقطة واحدة عن كل تصويت لبطاقته

·       في حال تم نفاذ وقت صاحب الدور بدون كتابة كلمة أو جملة خلال دوره، سيتم احتساب نقطة واحدة لجميع اللاعبين الآخرين

·       في حال تم نفاذ وقت أي لاعب في مرحلة اختيار البطاقة المتوقعة أو مرحلة التصويت، فسيتم استبعاده خلال هذا الدور فقط ويكمل باقي الأدوار بشكل طبيعي

الفائز: الفايز هو اللي يجمع 30 نقطة أول شي، و عشان تفوز لازم تخدع الآخرين بطريقة تفكيرك و تغير تكتيكك بكل دور، مرة تصير واضح، مرة تصير مبهم، مرة تصير ذيب، مرة تسوي روحك غشيم، و هكذا..

يعني من اللآخر لازم تصير بوكلاك عشان تفوز في اللعبة!

عندك لعبة مجانية عند التسجيل، يمعلك جم واحد و استانسوا

رابط التسجيل

·       رابط الواتساب

·      رابط الانستغرام